(રાગ:ત્રાંબા તે કુંડી સવા ગજ ઊંડી ......)
આંખ વિનાનું દર્પણ કેવું જાણો છાણા જેવું રે.
ગુરુ વિનાનો જ્ઞાન કરે તો વન્જ્યા દીહ્યા જેવું રે.
ગુરુ નહિ તો આંખ વિનાનો એવું વેદ કહે છે રે,
દેખા દેખી ગાય ખરો પણ દર્શન કોણ જ દેશે રે.
વેદો પણ પોકારી કહે છે ગુરુ વિનાનું શું ગાવું રે.
અંધેઅંધા પંથ ના દેખે, ભીંતોમાં ભટકાવું રે.
જ્ઞાન ગ્રહીને ગુરુ કરે તો સત્ય સ્વરૂપ લે શોધી રે.
ચૂંથારામ સદગુરુને શરણે, જે જન જઈને અટકે રે.
કુળ એકોતેર પેઢી રે તારે, અમરાપુરમાં મહાલે રે.
