ભલે આવે આપત્તિ, ભલે આવે વિપત્તિ

 (રાગ: નીરખો રૂપ ગોવિંદ કે કિશન બલદેવ કો)

ભલે આવે આપત્તિ, ભલે આવે વિપત્તિ - સંતો સ્વરૂપે રહેતા રે.....

ગુણ દોષ રુદેથી તજે, આત્મા જાણીને ભજે - સંતો સ્વરૂપે રહેતા રે.....

શત્રુ, મિત્ર નહીં જેને સમદર્શી કહીએ તેને - સંતો સ્વરૂપે રહેતા રે.....

આત્મ મનન એમ જ કરે, દેહ ભાવ બધો વિસરે - સંતો સ્વરૂપે રહેતા રે.....

દેહભાવ રહિત આત્મારામ, તૃષ્ણાનું ત્યાં નહિ કામ - સંતો સ્વરૂપે રહેતા રે.....

ભાવ-અભાવ રહિત જે હોય, ચુંથારામ નજરે જોય - સંતો સ્વરૂપે રહેતા રે.....