(રાગ: કૃષ્ણ ભજન નિત ગાઈએ રે)
સંતોને શીશ નમાવીએ રે
મૂકી મૂકી મનડાનો મેલ મારા વ્હાલા...સંતોને શીશ....
અંતર બાહિર હરિ ઈક છે રે
જગત સ્વરૂપે દીનાનાથ મારા વ્હાલા...સંતોને શીશ....
હરિ ગુરુ સંત સ્વરૂપ એક છે રે
સદગુરુ બડા ઉપકારી મારા વ્હાલા...સંતોને શીશ....
માયા છોડાવે મન તણી રે
આવાગમન મટી જાય મારા વ્હાલા...સંતોને શીશ....
દાસ ચુંથારામ સ્તવે સદગુરુ રે
ગુરુજીના ગુણનો નહીં પાર મારા વ્હાલા...સંતોને શીશ....
No comments:
Post a Comment