(રાગઃ સાચુ મોતીડું મારૂ મોંઘું મોતીડું...)
મનની મહેલાતો તારા મનમાં રહી જાશે
ઓંચિંતાં તેડા થાશે જંજાળીયા મનની મહેલાતો તારા મનમાં રહી જાશે
દ્રષ્ટીના દોષતો ભોગવવા પડશે
નયનોનાં નખળાં નડશે જંજાળીયા મનની મહેલાતો તારા મનમાં રહી જાશે
દુઃસંગ ત્યાગજે ને સતસંગ રાખજે
હરખે હરિના ગુણ ગાજે જંજાળીયા મનની મહેલાતો તારા મનમાં રહી જાશે
સદગુણ શોધી ગાડાં ભરી લાવજે
દુર્ગુણથી દુર રહેજે જંજાળીયા મનની મહેલાતો તારા મનમાં રહી જાશે
ભજન સતસંગમાં વ્હેલો વ્હેલો આવજે
ચુંથારામ ગુરુ શરણ રહેજે જંજાળીયા મનની મહેલાતો તારા મનમાં રહી જાશે
No comments:
Post a Comment