સંસાર બળતા ભડકા જેવો લાગે

(રાગ: કન્યા છે કાચનું પુતળું રે કન્યા બાળ કુંવારી)

સંસાર બળતા ભડકા જેવો લાગે

વ્હાલાં દુશ્મન જેવાં લાગશે રે ત્યારે જ્ઞાન જ થાશે

ઘરમાંથી મમત્વ નીકળી રે જાશે

સતસંગમાં દ્રઢ ભાવ થાશે રે ત્યારે જ્ઞાન જ થાશે

દુર્ભાગીજનને સગાંનો સંગ ગમશે

વિષયોમાં પ્રીતડી ના રહે રે ત્યારે જ્ઞાન જ થાશે

સંસારનું વૈતરું મારતાં સુધી તાણ્યું

સંતોની વાણી હ્રદયે ધરાં રે ત્યારે જ્ઞાન જ થાશે

સ્વાર્થવાળા માર્ગ અવળો બતાવે 

ચુંથારામ ચેતી ચેતી ચાલશો રે ત્યારે જ્ઞાન જ થાશે