તું કોણ ને કોને વળગ્યો

 (રાગ: મારી કંઠી પરોવી સેર તૂટી રે વાડીના વનમાં લુંટી)

તું કોણ ને કોને વળગ્યો રે - મૂળ તપાસી જો તારું 

તું ચેતન જડને વળગ્યો રે - મૂળ તપાસી જો તારું 

આખો સંસાર મનની કલ્પનાને 

મન મિથ્યા નિરાકાર જેવું રે - મૂળ તપાસી જો તારું

મુર્ખ મનુષ્યોનું મન ઇન્દ્રિય ગામી

ભોગ વિલાસમાં ભટકાવે રે - મૂળ તપાસી જો તારું

મૃગજળ જેવા સંસારના વૈભોગો 

તરસ છીપે નહીં ને શાંતિ ક્યાંથી આવે રે - મૂળ તપાસી જો તારું

માટે હ્રદયમાં આત્મ ચિંતન કરવું

ચુંથારામ નિજ સ્વરૂપ નિહાળો રે - મૂળ તપાસી જો તારું