સંત સ્વભાવે શબ્દે શબ્દે ચાલો જો

 (રાગ: સહિયર મારી સાસુડી અટાળી જો)

સંત સ્વભાવે શબ્દે શબ્દે ચાલો જો, અંતર લક્ષે મ્હાલો જો

અંતરના અજવાળે આતમ ઓળખો સત સમજીલ્યો

મન પવન બે સંગી જોડા જોડી જો વિચાર વાયુ ઢોળે જો

વિવેક વીરો સુરતા તેડી લાવે રે સાત સમજીલ્યો 

વેદ ધરમની વેદિકા બનાવી જો, અંતર જ્યોત જગાવી જો

સદગુરુ શબ્દ સુણાવે સુણીએ પ્રેમથી સત સમજીલ્યો

ભૂત ભવિષ્યને વર્તમાનકાળે દીસે તું, ભવિષ્યમાં પણ તું નો તું 

અજળ અમર અવિનાશી આતમ તુજ છે સત સમજીલ્યો

જગત સ્વરૂપે સર્વેમાં તું રમતો રામ, પ્રેમપુરીમાં તારો ઠામ

અનહદના ઓમકારે ચુંથારામ વર્ણવે સત સમજીલ્યો