એક હંસો આવ્યો જગ્પુરમાં

(રાગ: માં અંબા તે રમવા નીસર્યા દેવી અન્નપુર્ણા)

હરે..એક હંસો આવ્યો જગપુરમાં પેઠો પુગદલમાં 

હે....એને લાગી જગતની લહેરી....હંસો આવ્યો જગપુરમાં

હરે...કામકાજ મોહરાજ મિત્રો બન્યા...આવ્યો જગપુરમાં

હે...એને તૃષ્ણા વળગી પટરાણી.....હંસો આવ્યો જગપુરમાં

હરે...આશા સાસુની ઓથમાં...આવ્યો જગપુરમાં

હે....એને અંતરમાં પ્રગતિ હોળી....હંસો આવ્યો જગપુરમાં

હરે...એતો ભાન ભૂલ્યો પોતાતણું ...આવ્યો જગપુરમાં

હે...એતો બન્યો તન તરીયાનો બેલ....હંસો આવ્યો જગપુરમાં

હરે...પરહિતકારી સંત જો મળે ...આવ્યો જગપુરમાં

હે...ચુંથારામ જીવનનો લાવે અંત....હંસો આવ્યો જગપુરમાં