મારા ઘટમાં ઘટ ગોવિંદની ગાદી રે

(રાગ: મારા માંડવે નાગર વેલ છાયી રે માંડવો....)

મારા ઘટમાં ઘટ ગોવિંદની ગાદી રે શામળો છુપાઈ રહ્યો 

ત્રણ ગુણ પર અજબ તમાશા સોહમ સોહમ બોલે રે 

હો.....મારી સુરતા સન્મુખ રહી ને ડોલે રે....શામળો છુપાઈ રહ્યો

ત્રિવેણી પર યમુના તીરે કદમ તરું ની છાંયે રે 

હો....ગોલકની ગોપી પડદા ખોલે રે....શામળો છુપાઈ રહ્યો

બ્રહ્મ સ્વરૂપે બ્રહ્માકારે નીર-નિરંજન સોહે રે

ચુંથારામના કંઠે આવી બોલે રે....શામળો છુપાઈ રહ્યો