પ્રભુ બેલી રે પ્રભુ બેલી

 (રાગ: હાથી જોયો રે હાથી જોયો ...........)

પ્રભુ બેલી રે પ્રભુ બેલી અંત વેળાના પ્રભુ બેલી

મુકે ઠેલી રે મુકે થેલી સ્વાર્થ મટે કે સગાં મુકે ઠેલી

ભૂખ ના જોઈ ને દુઃખ ના જોયું

તળ્યું તળેલું મન મેલી અંત વેળાના પ્રભુ બેલી

તાપના જાણ્યો ને ટાઢ ના જાણી

તન કંપે થર થર વરસાદ હેલી અંત વેળાના પ્રભુ બેલી

ખાડા ખાબોચિયામાં પટકાઈ મરતો

એવી એવી રમતો ભોગવેલી અંત વેળાના પ્રભુ બેલી

હરિ ના ભજીયા ને વિખવાદ વધીયા

નથી તજાતી માયા ચીતરેલી અંત વેળાના પ્રભુ બેલી

ધરમ ના જાણ્યો ને મરમ ના જાણ્યો

ચુંથારામ રહો શીશ ગુરુચરણ મેલી અંત વેળાના પ્રભુ બેલી