પ્રાણીયા હરખે પ્રભુને સંભાળ....

(રાગ: શામળા સુકાની થઈને સંભાળ નૈયા ભવદરિયે ડૂબતી)

 પ્રાણીયા હરખે પ્રભુને સંભાળ (૨) સંસાર આળપંપાળ છે

એક જ સાચો પ્રભુનો આધાર (૨) સંસાર આળપંપાળ છે

કાયાનો ઘડનાર કાયાનો પાળનાર 

અંતરનો જાણનાર મનડાનો વારનાર 

તનમાં વ્યાપી રહ્યો કિરતાર (૨) સંસાર આળપંપાળ છે

પ્રભુમાં પ્રીત એ મુક્તિનું દ્વાર છે 

સ્વપ્ના જેવો આ જુઠો સંસાર છે

વા'લા પ્રભુમાં ચિતડાને વાળ (૨) સંસાર આળપંપાળ છે

એ જ પ્રભુ શ્યામસુંદિર એ જ સુખધાર છે 

એ જ પ્રેમી ભક્તોને ઠરવાનું ઠામ છે 

ચુંથારામ અખંડ સુખનું ધામ (૨) સંસાર આળપંપાળ છે