દગાવાળો દલાલી દિશે દમતો

(રાગ: તારી વાંકી રે પાઘલડીનું ફૂમતું રે.....)

દગાવાળો દલાલી દિશે દમતો રે, નથી ગમતો રે 

                    તોંય બાવન બજારે દિશે ભમતો રે 

દ્રશ્ય દુકાનોમાં ફરી વળતો રે, નથી જપતો રે

                   તોંય જરીએ નરમ નથી પડતો રે 

સમરી સિંચાણે શિરે ઝડપી રહ્યો છે જરા ભાનમાં આવે તો પડે ગમ

તારા ચિંતનનો ચિત્રો ચળવળતો રે, કુટાઈ મારતો રે,

                      તોંય બાવન બજારે દિશે ભમતો રે 

માયા મદિરાની કેફે ચડ્યો છે જરા જાગી જુવે તો પડે ગમ

ચુંથારામ સદગુરુ પાય પડતો રે, નથી ડરતો રે,

                        તોંય સમજી સમજીને ડગ ભરતો રે