(રાગ: મેં તો જાણ્યું કે વેવાઈ મજીયાં રે લાવશે..)
સદગુરુની ગાદી મારા અંતરપટમાં સોહીએ
જ્ઞાનગલીમાં નીરખીયા મહારાજ રે સોહાગી ગુરુજી....
.............હરખને હિલ્લોરે ગુરુની આરતીયો મનાવીએ
ભૂચર નભચર જળચર સઘળે વ્યાપક એક સમાન છો
વિસ્વ સકળમાં વિશ્વંભર છો નાથ રે સોહાગી ગુરુજી....
.............હરખને હિલ્લોરે ગુરુની આરતીયો મનાવીએ
જ્યાં જ્યાં સુરતા ત્યાં ત્યાં સઘળે સુરતનો શિરતાજજી
માળામાં જેમ સૂત્રમણીનો જોગ રે સોહાગી ગુરુજી....
.............હરખને હિલ્લોરે ગુરુની આરતીયો મનાવીએ
ગુરુ ચરણ રજ જ્યાં પડે ત્યાં સ્વર્ગભૂમી દીસતી
આનંદ આનંદ આનંદ ચુંથારામ રે સોહાગી ગુરુજી....
.............હરખને હિલ્લોરે ગુરુની આરતીયો મનાવીએ
No comments:
Post a Comment