(રાગ: કાન ઝૂલે ભગવાન ઝૂલે રે તને ઝુલાવે જશોદામાત રે)
અંતર ખોલે વસ્તુ બોલે ભાઈ જોને ઉલટ તપાસી રે........
....................ગુરુજી બજાવે બંસરીયાં
મનડું ડોલે તનડું તોડે મારી મારી વેણુના ઘાવ રે........
....................ગુરુજી બજાવે બંસરીયાં
ડરતો ડરતો સન્મુખ બેઠો...અંતરમાં અકળાયો
મળ વિક્ષેપને આવરણ પડદો હેત ધરીને હટાવ્યો....
.....................ગુરુજી મારે હેત ધરીને હટાવ્યો
મૌરખો જાણી, કરુણા આણી મુજ રંકને કીધો છે નાથ રે........
....................ગુરુજી બજાવે બંસરીયાં
મારા-તારાનું ભાન ભુલાવી....તત્વમસી સમજાવ્યું
સ્થાવર-જંગમ, જડ-ચેતનમાં અદ્વૈત રૂપ દર્શાવ્યું.............
....................ગુરુજી મારે અદ્વૈત રૂપ દર્શાવ્યું
અણઘડ ઘટે, ગુરુગમ વાટે, ચુંથાભાઈ રટે દિન રાત રે........
....................ગુરુજી બજાવે બંસરીયાં
No comments:
Post a Comment