(રાગ:મન ભજીલે સીતારામ ચેતી જા, ચેતી જા)
જીવ મનુષ્ય જનમ સુધાર, માની જા, માની જા
તારો આવેલો અવસર જાય, માની જા, માની જા
કાયા તારી જળ પરપોટો, ફૂટી જાતાં નહીં વાર
સુખ દુઃખમાં સદી રહેલો, તેનો શો ઇતબાર
હારી ભજવાની વેળા વીતી જાય, માની જા, માની જા
આ સમય છે સાચવવાનો, આગળ છે અવસાન
ચુકી ગયા તો ચોરાસીનું જબરું છે તોફાન
તારું પુણ્ય પરવારી જાય, માની જા, માની જા
આ સંસારે ભવજળ તરવા, નરતન મળિયું નાવ
સાતસંગતને આત્મ મનનમાં ભરવો જોઈએ ભાવ
ચુંથારામ સદગુરુ શરણ સ્વીકાર, માની જા, માની જા
No comments:
Post a Comment