જીવ જોઇલે દુનિયાદારી

(રાગ: જેવો તેવો પણ તારો પ્રભુ હાથ પકડ મારો)

જીવ જોઇલે દુનિયાદારી - મિથ્યા જગતની યારી

જીવ સાગર છે ભયકારી - નીકળવા ના જડે બારી

પ્રભુ કૃપા કરીલ્યો તારી - મિથ્યા જગતની યારી

જીવ શીદ મરે કુટાઈ - છે આ સ્વારથની સગાઇ 

નથી દુન્યવી મિલકત તારી - મિથ્યા જગતની યારી 

જેને માટે રખ રખ કરતો - દિવસ રાત જરા નથી જપતો

તેના દિલમાં તારી ખુંવારી - મિથ્યા જગતની યારી 

તું તારું ભૂલ્યો ભાઈ તને - સમજણ કાંઈ ન આવી

રહો ચુંથારામ નિજ નિહારી - મિથ્યા જગતની યારી