વિષુચિકાનો રોગ લાગ્યો

(રાગ: પહેલા યુગમાં વાણિયો હતો તે ઓછી વસ્તુ તોલતો)

વિષુચિકાનો રોગ લાગ્યો રખ રખ કરતો રે.

ઘર ધંધામાં ઘડી ના જપતો તોય વલખાં વીણતો રે

આશા તાંતણે તણાઈ મરતો લાલચમાં લપટાતો રે

તૃષ્ણા ડાકણ જપવા ના દે હાયકારામાં મરતો રે

વ્હાલાં વરુની વેઠ જ વળગી જેમ-જેમ દા'ડા ગણતો રે

ધન ધાખનામાં ઊંઘ જ નાં આવે ઉજાગરા કરી મરતો રે

પાંચ વિષયોના રોગે કરીને ધર્મ પોતાનો ચૂકતો રે

કહે ચુંથારામ સદગરું હોય તો નિજ મારગમાં મળતો રે