જીવાભાઈ તું જગમાં ફરી વળ્યો

(રાગ: બંદા નિજમાં નીરખ્યા વિના શીદ ભમ્યો)

જીવાભાઈ તું જગમાં ફરી વળ્યો

તને જડ્યો નહીં ભગવાન રે........તારા નિજમાં નૈયામિક થઇ રહ્યો

તારા અંતર ચક્ષુ ના ઉઘડ્યાં 

તારી બા'ર વૃત્તિઓને વાર રે........તારા નિજમાં નૈયામિક થઇ રહ્યો

જીવ ભાવે તું કર્મો કરી રહ્યો

તારું મૂળ સ્વરૂપ સંભાર રે........તારા નિજમાં નૈયામિક થઇ રહ્યો

પુણ્ય પાપના ફળમાં મોહી રહ્યો

તેથી જન્મ મરણ નહીં જાય રે........તારા નિજમાં નૈયામિક થઇ રહ્યો

સાચા સદગુરુ સ્વામીને સેવતાં 

ચુંથાભાઈ ભવ સહેજે તરાય રે ........તારા નિજમાં નૈયામિક થઇ રહ્યો