જાવું છે મરી મહેરમ

(રાગ: દુબળી પડી)

જાવું છે મરી, મહેરમ, જાવું છે મરી...લ્હે લગાડી રામ ભજીલે.....જાવું છે મરી

મહેલ ને મહેલાતો તારી અહિયાં પડી રહેશે

તારે માટે સ્મશાનોમાં ચિતાઓ ખડી...લ્હે લગાડી રામ ભજીલે.....જાવું છે મરી

ધનના ધમકારા તારા કામમાં નહીં આવે

તારે માટે તૂટી-ફૂટી હાંડલી ખરી...લ્હે લગાડી રામ ભજીલે.....જાવું છે મરી

જગતમાં શેઠ ને સાહેબ થઈને ફરતા

જમડાની ચોટ ગળે બાંધશે દોરી...લ્હે લગાડી રામ ભજીલે.....જાવું છે મરી

રાગ દ્વેષ ઈર્ષાની ભરી લીધી થેલીઓ 

જમડા ઉપડાવશે મોટા પથરા ભરી...લ્હે લગાડી રામ ભજીલે.....જાવું છે મરી

અવિદ્યાએ અંધ બની સંત નહીં સેવિયા

ચુંથારામ રામ ભજીલ્યો ફરી રે ફરી...લ્હે લગાડી રામ ભજીલે.....જાવું છે મરી