દિલડાં દર્પણ જેવાં રાખો

(રાગ: એક શૂન્યમાં લક્ષ્મી નારાયણ પોઢ્યા રે)

એક દિલડાં દર્પણ જેવાં રાખો રે પ્રતિબિંબ જડપી લેવાય;

એક હૈયામાં દયા ક્ષમા રાખો રે પ્રતિબિંબ જડપી લેવાય;

ગંગા યમુના જેવું મનડું ચોખ્ખું નિર્મળ રાખો રે.........

હો......એક વાણીમાં અમૃત સરખું ભાખો રે.......પ્રતિબિંબ જડપી લેવાય;

શ્રવણેન્દ્રીમાં સદગુરુના વચને ચિતડું રાખો રે.......

હો.....જનતા જનાર્દનમાં આતમ ભાવ લાવો રે......પ્રતિબિંબ જડપી લેવાય;

કર્મેન્દ્રીમાં કર્મ સમર્પણ, બ્રહ્મભાવ મન રાખો રે.......

હો....ચુંથારામની વાણી ખુબ વિચારો રે.......પ્રતિબિંબ જડપી લેવાય;