(રાગ: મારે સાસરીએ જઈ કોઈ કહેજો એટલડું પ્રીતમજી.......)
મેં તો જાણ્યો સંસારીયો ખારો સમુંદર.....નાવિક વિના કેમ ચાલશે...
શઢ તૂટશે ને થાંભલો ભાગશે;
તને જાજુ જોખમ વિશ લાગશે;
તારી નાવડી તો ડગુંમગું થશે જીવલડા.....નાવિક વિના કેમ ચાલશે...
ખારા સંસારે ખટપટ ઝાઝી છે;
કુળ કુટુંબની રંગ બાજી છે;
તારી કિનારે નવ કેમ જાશે જીવલડા.....નાવિક વિના કેમ ચાલશે...
તારો ખેવટીયો નાવ ખેડનારો;
તેને શોધો તો ભવ તારનારો;
ચુંથારામ ગુરુ શરણ સ્વીકારો જીવલડા.....નાવિક વિના કેમ ચાલશે...
No comments:
Post a Comment