(રાગ: વીરા વસ્તુ વિચારીને વહોરીએ)
વીરા...વચન વિચારીને બોલીએ
જેથી, અંતરમાં થાય પ્રકાશ....સત્યની રીતે ચાલીએ
સદાચારે સાચી નીતિ વહોરીએ
કોઈનું કરીએ નહીં અપમાન....વિચારીને બોલીએ
સર્વે જીવોમાં આત્મા નીરખીએ
આખા જગમાં સૌ આપણા જેવા......વિચારીને બોલીએ
કુળ કુટુંબમાં ઝગડો ના કીજીએ
આપણ ચાર ઘડીના મહેમાન......વિચારીને બોલીએ
વાણી જેવું વર્તન કરી જાણીએ
ચુંથારામ સત્ય ધર્મ નીતિ ધારી......વિચારીને બોલીએ
No comments:
Post a Comment