હંસા ધરતી ધબકારે ના ચાલીએ રે...જી

(રાગ: ઓ.....માં.... પહેલા ચોગડીયાની રાત રે.....)

હંસા ધરતી ધબકારે ના ચાલીએ રે......જી

હંસા તાપ તપેલું ધૂળ થાય રે હંસા રાજા - ભવસાગર તરવો દોહ્યલો રે....જી

હંસા ભાવ દેખીને વાણી ભાખીએ રે.....જી

તેનું મોઘેરું થાય ઘણું મૂળ રે હંસા રાજા - ભવસાગર તરવો દોહ્યલો રે....જી

હંસા વેણ ને નેણ નિહાળીએ રે......જી

તેના દિલની પતીજ પડી જાય રે હંસા રાજા - ભવસાગર તરવો દોહ્યલો રે....જી

હંસા ચિંતન કરીએ નિજ નામનું રે.....જી

ચુંથારામ ગુરુ શરણ મળી જાય રે હંસા રાજા - ભવસાગર તરવો દોહ્યલો રે....જી