(રાગ: જેણે ભજ્યા જદુરાયા, નર એજ કમાયા)
અભણ હોય તે ભણેલા - ગુરુ સંગે વસેલા....
ગુરુની સેવા તે મીઠડા મેવા - આતમ જ્ઞાને વળેલા - ગુરુ સંગે વસેલા...
છળ કપટ પરનિંદા ત્યજીને - જ્ઞાનની ગોળી ગાળેલા - ગુરુ સંગે વસેલા...
જાસા ના કરે અશુદ્ધ ના બોલે - સાચાના સંગે વળેલા - ગુરુ સંગે વસેલા...
સંતોષ, શાંતિને ગ્રહણ કરીને - સ્વર્ગની સીડી ચઢેલા - ગુરુ સંગે વસેલા...
પ્રેમ લક્ષણા ભક્તિના ચુકે - સંતોને સન્માન કરેલા - ગુરુ સંગે વસેલા...
ભૂખ્યાને ભોજન, તરસ્યા ને પાણી - ગોવિંદ ગુણના ગણેલા - ગુરુ સંગે વસેલા...
ચુંથારામ અભણ, ગુરુ ભણાવે - શિશ અર્પીને શરણે કરેલા - ગુરુ સંગે વસેલા...
No comments:
Post a Comment