(રાગઃ જાવું તો પડશે જીવને જાવું તો પડશે)
ગુરુમુખી હોયતો ભજન ભાવેથી કરજો
દેહ છતાં વિદેહી ઠરજો ગુરુજીના શબ્દો અંતરમાં ધરજો
આત્મ જ્ઞાની સંતોની સોબતો કરજો
મનડાંની વિટંબણાઓ તજજો ગુરુજીના શબ્દો અંતરમાં ધરજો
આનંદ સ્વરુપી જ્યોતિ પ્રગટાવી દેજો
સત ચિત્તે શાંતિ અનુંભવજો ગુરુજીના શબ્દો અંતરમાં ધરજો
વાણીનું સંયમ પણું જાળવી રાખજો
સૂરત નૂરતના મેળા કરજો ગુરુજીના શબ્દો અંતરમાં ધરજો
છિદ્રો જોવાની આદત છોડી રે દેજો
એકાન્તે આત્મ મનન કરજો ગુરુજીના શબ્દો અંતરમાં ધરજો
મળ વિક્ષેપ તજી સતસંગે રહેજો
ચુંથારામ નિજ સ્વરુપે રહેજો ગુરુજીના શબ્દો અંતરમાં ધરજો
No comments:
Post a Comment