ઊંચી ઊંચી વાદળીમાં........

(રાગ: મનસ્વી)

ઊંચી ઊંચી વાદળીમાં રંગતાળી રંગતાળી;

આસમાને સુરતા ઠાળી છે...નીચેની દુનિયા ખારી છે.

ઓહમ સોહમના ઝણકારા મારતા, ઝણકારા મારતા;

ચંદ્ર, સૂર્ય વચ્ચે સરસ્વતી ધારતા, સરસ્વતી ધારતા;

નાસાગ્રે નુરતા ધારી છે...નીચેની દુનિયા ખારી છે.

નયને નિરંજન નામું તપાસતા, નામું તપાસતા;

ત્રિપુટી મંડળમાં જ્યોતિ ચમકાવતા, જ્યોતિ ચમકાવતા;

ચુંથારામ નિજ છબી ન્યારી છે...નીચેની દુનિયા ખારી છે.