(રાગ: વા'લા વનમાં કેમ લાગી વાર...)
વાગ્યાં વચન ગુરુજીના બાણ - ભલે જાય પ્રાણ - રૂઝાયાં રુઝે નહીં
એવું સ્મરણ આઠે પહોર કીજીએ....
થાય જ્ઞાન દીપક પ્રકાશ - છૂટે સર્વે આશ - રૂઝાયાં રુઝે નહીં
એવો ખટકો લાગ્યો મારા ચિત્તમાં.....
છોડું નહીં એક પલવાર - છૂટે જમ માર - રૂઝાયાં રુઝે નહીં
એવું શાંતિનું સાધન સાધતાં ......
લક્ષ ચોર્યાસી મિથ્યા થાય - બંધન છૂટી જાય - રૂઝાયાં રુઝે નહીં
એ અવિચલ નામ જે આપનું....
તેમાં વિકાર નહીં કેશ માત્ર - ઢીલાં પડ્યાં ગાત્ર - રૂઝાયાં રુઝે નહીં
દાસ ચુંથારામ આપનો જાણી ને.....
પ્રેમ કરી લેજો તમ સાથ - કરો ગુના માફ - રૂઝાયાં રુઝે નહીં
No comments:
Post a Comment