જીવ ભૂલો પડ્યો ભવ જાળ

(રાગ: નાનકડી નાજુક નાર હું બહું નાનકડી)

જીવ ભૂલો પડ્યો ભવ જાળ ચલંતી મુસાફરી 

જીવ અથડાયો કઈ કાળ ચલંતી મુસાફરી 

મારે સામે કિનારે જાવું છે - મારે હવે થી નહીં પસ્તાવું છે 

દઉં ફેકી ભરેલો ભાર.......ચલંતી મુસાફરી 

મને નરતન નાવડી હાથ ચઢી - સતસંગ પવનની ઝાપટ અડી 

મારે જાવું નિજપદ દ્વાર.......ચલંતી મુસાફરી 

મારી હૃદય કમળમાં નજર પડી - મને શાંતિ કાતર ત્યાંથી જડી

જાઉં કાતરી ભવની જાળ.......ચલંતી મુસાફરી 

મારે હાથ હલેસાં હરિ પદનાં - સ્થિરતાનો શઢ લાવે તીરમાં 

ચાલો ચુંથારામ આપણા ધામ.......ચલંતી મુસાફરી