(રાગ: રાણા રાવણજી રામની સાથે રઢ નવ કીજીએ)
જીવ રાણાજી, મનુષ્ય જનમ મળીયો મોંઘા મુલનો
એક ઘડી તારી લાખેણી વહી જાય છે...જીવ રાણાજી....
તું તો વિષય વનમાં ભૂલો પડ્યો
તારો અવસર એળે જાય વહ્યો...જીવ રાણાજી....
બળ જોબન વીત્યું, વૃદ્ધ થયો
તોય પ્રભુ ભજનમાં પાછો રહ્યો...જીવ રાણાજી....
તું તો અવળા પંથે ચઢી ગયો
તારો મૂળ મારગ તને ના જડ્યો...જીવ રાણાજી....
આતો દેહ દરવાજો મુક્તિનો
તેને શોધી શોધીને ભવ તારો...જીવ રાણાજી....
દાસ ચુંથાના સ્વામીને રટજ્યો
તારો પોકાર સુણીને પ્રભુ પ્રગટ થશે...જીવ રાણાજી....
No comments:
Post a Comment