(રાગ: બેની બરોબરી ના કરીએ)
વાલા કેમ કરી વળગી રહીએ
સામા દુરીજન લોકો દેખે દયાળુ કેમ કરી વળગી રહીએ
વાલા કેમ કરી કીર્તન કરીએ
જ્યાં ત્યાં ઈર્ષાળુ જન હુંકે કાનુડા કેમ કરી કીર્તન કરીએ
વાલા સમાજમાં શીદ ફરીએ
જ્યાં ત્યાં ભડભડ ભડકા લાગે કાનુડા કેમ કરી ભેગા રહીએ
વાલા વાલાંમાં કેમ કરી વસીએ
જ્યાં ત્યાં સ્વારથ સગડી સળગે છબીલા કેમ કરી આગળ ધસીએ
તારા વિયોગે રોઈ રોઈ રહીએ
તારો ચુંથા શરણે આવ્યો શામળીયા દીન પર કરુણા કરજો
No comments:
Post a Comment