મારું મન રામ રટણ લાગ્યું

(રાગ: ધનુ ખરા બપોરે ધનુ માંયરામાં)

મારું મન રામ રટણ લાગ્યું મનજી બીજું નહીં ગમે 

આ સંસાર બન્યો છે ઝેરી મનજી બીજું નહીં ગમે 

વ્હાલું દેખાય છે વેરી મનજી લાગી ભજનની લ્હેરી મનજી બુજુ નહીં ગમે 

ભમતા વિચારો ભેગા કીધા શ્યામ શરણાં બાંધી દીધાં

હરિ સન્મુખ મારગ લીધા મનજી બીજું નહીં ગમે 

જેને જગત કહે છે સારી તે લાગે સૌ ખારું ખારું 

મારે રામ ભજન મન પ્યારું મનજી બીજું નહીં ગમે

ખોટ પડી ખાતામાં ઝાઝી તેથી અંતર ઉઠ્યું દાઝી 

ચુંથારામ ભજું થઇ રાજી રાજી મનજી બીજું નહીં ગમે