જીવલડા રમત ન્યારી રમનારો

(રાગ: જીવલડા ચડતી પડતી આવે જગમાં જીવન ઝોલા ખાય)

જીવલડા રમત ન્યારી રમનારો ઘટ ઘટમાં વાસિયો કિરતાર  

જીવલડા દાસના દુઃખ હરનારો ઘટ ઘટમાં વાસિયો કિરતાર  

ભક્તના કઠણ વચનો ખમતો - સગુણ થઈ ભક્તોની રચના કરતો

દુષ્ટને દંડ દઈ દમનાર ઘટ ઘટમાં વાસિયો કિરતાર  

ભક્તની સંગે નિશદિન ફરતો - મોટપ મેલીને સંચરતો 

ક્ષમા ધરી શાંતિનો દેનાર ઘટ ઘટમાં વાસિયો કિરતાર  

જ્યાં ત્યાં જીવની પાસે ઊભો - દ્રશ્ય ટગ ટગ જોઈ રહ્યો સિદ્ધો 

ભક્તિ ભાવ ભારી ધસનાર ઘટ ઘટમાં વાસિયો કિરતાર  

કર્મ કરાવી કસોટી કરતો - નિજ જનને કસી કસી શુદ્ધ કરતો 

પ્રીતિ પ્રેમ તણો પીનાર ઘટ ઘટમાં વાસિયો કિરતાર  

વિષય રૂપી વ્હાલને હરિવર હરતા - ગરુડ રૂપ ધરી ગ્રાસ જ કરતા 

ચુંથારામ વિઘ્ન હરનાર ઘટ ઘટમાં વાસિયો કિરતાર