કાયા કિલ્લે શિખર ગઢ

(રાગ: રંગ પહેલો વધાવો મારે આવીયો)

કાયા કિલ્લે શિખર ગઢ હું તો જઈ ચઢ્યો

આવ્યો આવ્યો રે મણી કંકણકેર ઘાટ રે અઘાટે મોતી નીપજે

અનહદ શેરીનાં વાજીન્તરો ધણ ધણે

વીજળી ચમકારે મેઘ ગરજના થાય રે અમૃતના વરસે વરસણાં

શૂન્ય મંડળમાં ઝગમગ હીરલો ટમટમે

સુરત નુરતે સજ્યા શણગાર રે નીરખીને પાયે જઈ પડી

પાંચ તત્વોના તોરણ બંધાવીયાં

પાંચ પ્રાણોના રોપ્યા સ્ફટિક સ્થંભ રે ઉતારે ચુંથારામ આરતી