(રાગ: ખમ્મા મારા નંદજીના લાલ)
મોંઘો તારો અવસર જાય જોઈ લે આંખડી ઉઘાડી
કોટી જન્મોના પુણ્ય કેરી પુંજી
મળીયો મનુષ્યનો દેહ......જોઈ લે આંખડી ઉઘાડી
જીવનમાં કેટલી સજ્જનતા મેળવી
કેટલાં કર્યાં સતકામ......જોઈ લે આંખડી ઉઘાડી
પરોપકારમાં કેટલું કમાયો
ખાતું તારું ખરાબના થાય......જોઈ લે આંખડી ઉઘાડી
ઈર્ષાની અગ્નિમાં દાઝીના મરતો
ક્ષમા દયા છટકી ના જાય......જોઈ લે આંખડી ઉઘાડી
નિજ સ્વરૂપ પર ઢાંકણ ના બનતો
ગુરુગ્મ વિસરાઈના જાય......જોઈ લે આંખડી ઉઘાડી
દિલમાં દાનવતાનો કચરો નાં પુરતો
સતસંગ સુકાઈ ના જાય......જોઈ લે આંખડી ઉઘાડી
ચુંથારામ સદગુરુ શરણમાં વસતો
દુસંગે પલટાઈ ના જાય......જોઈ લે આંખડી ઉઘાડી
No comments:
Post a Comment