જુદું જુદું રે સંતોનું ખાતું

(રાગ: છાનું છાનું છોકરા મારું તનમનીયું)

જુદું જુદું રે સંતોનું ખાતું જુદું રે પડ્યું

જુદું રે પડ્યું સત્ય સોનૈયે મઢ્યું....જુદું જુદું રે સંતોનું ખાતું.....

વેર-ઝેરના વલોપાતમાં નહીં સંતોનું મતું

નિજ ધર્મનું પાલન સઘળું સંતોમાં થતું....જુદું જુદું રે સંતોનું ખાતું.....

પરોપકાર કરી સંતોનું મન ઘણું મલકાતું

સરળ સ્વભાવે સંતોનું જીવન આનંદી બનતું....જુદું જુદું રે સંતોનું ખાતું.....

હું પણાનો નશોના આવે નિજ સ્વરૂપ ઓળખાતું 

ચુંથારામ સંતોના શરણે દિલ ઘણું હરખાતું....જુદું જુદું રે સંતોનું ખાતું.....