દુનિયાના દર્પણમાં

(રાગ: ગગન તારી બૈયરના હાથે મારી વીંટી રે)

દુનિયાના દર્પણમાં અમ્મર દીવો દીઠો રે

કાયાના નગરમાં - માયાના લગનમાં અમ્મર દીવો દીઠો રે

મેરુ દંડના શિખરમાં અમ્મર દીવો દીઠો રે 

ગંગા યમુના સંગમમાં - બંસીબટના ચોકમાં અમ્મર દીવો દીઠો રે

જ્ઞાનગલીની કુંજમાં અમ્મર દીવો દીઠો રે 

સદબુદ્ધિ વિચારમાં - અંતરના આભાસમાં અમ્મર દીવો દીઠો રે

સદગુરુના જ્ઞાનમાં અમ્મર દીવો દીઠો રે

સંતોના સંગાથમાં - સુરતના સહેવાસમાં અમ્મર દીવો દીઠો રે

સંત અનુભવ વાણીમાં અમ્મર દીવો દીઠો રે

બ્રહ્મ સદનના ભુવનમાં - ચુંથારામ શું નામમાં અમ્મર દીવો દીઠો રે