(રાગ: પતિ વિના પ્રેમદાના મનના પુરાય ક્યાંથી કોડ)
પોતે પોતાની પીછાણ કર્યા વિણ આયુષ એળે જાય
અરેરે જીવ આયુષ એળે જાય
ઘડી પલકની ખબર નહીં કે ક્યારે તેડું થાય
સર્પ મુખમાં મેડક બોલે - માખી પકડવા ત્રાટક જોડે
અણધાર્યો જ્યાં થાય તબાકો ધાર્યું ધૂળ થઇ જાય
અરેરે જીવ ધાર્યું ધૂળ થઇ જાય......ઘડી પલકની ખબર નહીં....
વગર ભણે વાદીની વિદ્યા - મણી ખોળંતા ફણીધર ભેટ્યા
ભોરીંગ રાફડે પગ રોપ્યા તો ઊંધું ચત્તું થઇ જાય
અરેરે જીવ ઊંધું ચત્તું થઇ જાય......ઘડી પલકની ખબર નહીં....
આતમરામ રસાયણ ગોળી - પચ્યા વિના સૌ વાત અધુરી
ચુંથારામ સદગુરુગમ હોય તો પાર બેડો થઇ જાય
અરેરે પાર બેડો થઇ જાય......ઘડી પલકની ખબર નહીં....
No comments:
Post a Comment