(રાગ: દેખો દરિયા કેરી લ્હેરી)
મન મરકટને વારો પ્રપંચમાંથી મન મરકટને વારો.....હા
ક્ષમાનો દંડો દયાની દોરી - સહન સાણસે ઝાલોજી
બહાર ભટકતી ચિત્તવૃત્તિને સદગુરુ શબ્દે વારો...પ્રપંચમાંથી મન મરકટ...
અસ્થિરતા એ સ્વભાવ મનનો વાયુ લ્હેરે ફરનારો.....હા
સુદ્ધ બુદ્ધિએ સ્નાન કરાવી રાખો સોહંગ ભણનારો...પ્રપંચમાંથી મન મરકટ...
મનનું જાડાપણું એ માયા તેથી ચેતી ચાલો.......હા
અવળગતિ કરતુ દેખીને ઝટપટ તેને ઝાલો...પ્રપંચમાંથી મન મરકટ...
હંસપદમાં મનને સ્થાપી કાર્ય પોતાનું સાધો.......હા
ચુંથારામ સંતનકે શરણે સદગુરુને આરાધો...પ્રપંચમાંથી મન મરકટ...
No comments:
Post a Comment