નામ સ્મરી લે નામ સ્મરી લે

(રાગ: વૈશંપાયન એણીપેર બોલ્યા સુણ જન્મેજય રાય)

 નામ સ્મરી લે નામ સ્મરી લે નામ સ્મરી લે સાચો

નામ સ્મર્યા વિણ કરે ચતુરાઈ તેને ગણવો કાચો 

ચતુરાઈ તે ચૂલે પડશે ને ડા'પણ બધું ધૂળ ધાણી 

જુઠ્ઠામાં બધો જનમ ગુમાવ્યો તે પથ્થર ઉપર પાણી 

આખર એક દિન જાવું રે પ્રાણી દેહની માટી થાશે 

પાંચ પાંચમાં મળી રહેશે રે પાછળથી પસ્તાશે 

નામ વિના કયે ઠામે રે ઠરશો ભટકી ભટકી મરશો

અજ્ઞાનપણામાં તાણી તોરલીયાં નિશ્ચય ચોરાશીમાં ભરશો 

નામ જગતમાં ઉત્તમ જાણો નામથી પ્રાણી તરશો 

કહે ચુંથારામ સદગુરુના પ્રતાપે જમના હાથથી બચશો