(રાગ: જીવલડા ચડતી પડતી આવે સૌની શા માટે ફુલાય)
આવ્યો હરિ ભજવાનો દાવ - લઇ લ્યો મનુષ્ય દેહનો લ્હાવ
હૈયે નિજ સ્વરૂપ ટંકાવ - હરદમ આતમ જ્યોત જગાવ
સેવા સમરણ નિત નિત કરીએ - નીતિ ધર્મ સદા આચરીએ
ધરીએ સંત સમાગમ ભાવ - લઇ લ્યો મનુષ્ય દેહનો લ્હાવ
પર ઉપકાર કરી દિલ રીઝો - પરના પ્રાણ દુભાવતાં બીજ્યો
સ્વાર્થ માટે ધર્મ ના તજશો - ઈર્ષા દ્વેષ કડી ના કરજો
ચુંથારામ નરતન મલી નાવ - લઇ લ્યો મનુષ્ય દેહનો લ્હાવ
No comments:
Post a Comment