બુદ્ધિ તને વારતી મનજી

(રાગ: બેનડી તને વારતી વીરા સાંઢીયો વાળીશ નહીં)

બુદ્ધિ તને વારતી મનજી - પાપમાં પડીશ નહીં 

મુસાફરી કીધી જાજી - ખાધી લુખી પાખી ભાજી

સતસંગે રામ રાજી  - મનજી પાપમાં પડીશ નહીં 

ભવ તરવા પુલ સારી - નામની બનેલ ભારી 

લાગ મળ્યો સુખકારી - પાપમાં પડીશ નહીં

પંથ છે પવિત્ર પૂરો - ચાલનારો થાય શૂરો 

રાખે રહી જાતો અધુરો - પાપમાં પડીશ નહીં 

ચુંથા પ્રભુની પ્રીતે - પહોંચનારો જગ જીતે 

રામ સ્મરણ કરતાં પ્રીતે - પાપમાં પડીશ નહીં