સંસાર સાગર મહાજળ ભરીયો

(રાગ: તમે મારા મન લક્ષ્મણા ભાઈ રે ઘડી ન રાખ્યો રામ રે)

સંસાર સાગર મહાજળ ભરીયો - માયાનાં મોજાં અપાર 

તૃષ્ણાની લહેરો તાણી તાણી જાય છે - એક નામનો આધાર રે 

તમે મારે મન વસિયા મોરારી - તારોને ભવજળ પાર 

માયા બાંધે જકડી બંધાયો - ફાંફા મારું રે અપાર 

આશાની ઘૂમરી વિષયની ભમરી - ઊંડે લઇ જાય અપાર 

માં બડાઈ મોટેરો મગર - ડાચું ફાડી ખાવા ધાય  

કીર્તિ જળકૂકડી ચાંચો મારી ભાગે - વારે ધાવો રે બ્રિજરાજ રે

નામ સ્મરણ રૂપી નાવ બનવી - તરવાને ભીડી રે હામ 

ખેવટિયા થઇ આવો રે રણછોડજી - ચુંથારામ પોકારે વારંવાર 

તમે મારે મન વસિયા મોરારી - તારોને ભવજળ પાર