મારું કહ્યું માન મનજી

(રાગ: જુવાનીનું લટકું આવ્યું છે દા'ડા ચાર)

મારું કહ્યું માન મનજી મારું કહ્યું માન 

તારું ચાલે નહીં તોફાન મનજી મારું કહ્યું માન

સંસાર સંબંધ તારો સ્વપ્ન સમાન

પ્રપંચની જાળ રચી તેમાં ભૂલ્યો ભાન મનજી મારું કહ્યું માન

માતા-પિતા સુતદારા બહેની વીર સુજાણ 

નારી જાણે મુજ સ્વામી મતલબનું ધ્યાન મનજી મારું કહ્યું માન

આશારૂપી દોરી લાલચ ફાંસી જાણ 

અંત સુધી વળગી રહ્યો મૂકી દે ગુલતાન મનજી મારું કહ્યું માન

રામ રટણ કરી ચઢીએ સોપાન

ચુંથા કૃષ્ણ ચરણ રાખો ધ્યાન મનજી મારું કહ્યું માન