(રાગ: જાણી શબરીની ઝૂંપડીને મહેલ)
હવે અમે તાણી નિરાંતની સોડ - દુનિયા ભલે ફાકી ખાય ખાંડ
દુનિયાના રંગ ભોગ અમને પોસાય ના
કાવા દાવા પ્રપંચનું પુતળું બનાય ના
તીખી રહેણીના તકિયા વછોડ - દુનિયા ભલે ફાકી ખાય ખાંડ
દેહમાં વશ્યા અમે દેહ થાકી જુદા
નિજ સ્વરૂપે અમે નિરાકાર ખુદા
અમે જાગતા ઊંઘ્યા માંડ માંડ - દુનિયા ભલે ફાકી ખાય ખાંડ
નિજ સ્વરૂપની લહેરે સમાશું
આત્મા સર્વાત્માનું ઐક્ય જણાવશું
ચુંથા સદગુરુ સન્મુખ મીટ માંડ - દુનિયા ભલે ફાકી ખાય ખાંડ
No comments:
Post a Comment