વનડાવનની કુંજગલીમાં

(રાગ: મેં તો જાણ્યું કે વેવાઈ મજીયાં રે લાવશી)

વનડાવનની કુંજગલીમાં કેશર વર્ણા ઝાડ છે

ઝાડે ઝાડે ફરતી વાટો જોતી રે અલબેલા હરિ.....

આવડો નમેળો થયો નંદજીના લાલજી 

કલીન્દ્રીના કાંઠે ફરતી જોતી ગીરીધર લાલને 

જોતી જોતી મધુવનમાં ચાલી રે અલબેલા હરિ...

આવડો નમેળો થયો નંદજીના લાલજી 

કુંજ વનમાં શોધી વળી નજરે જ આવ્યા નાથજી 

જ્ઞાન ગલીમાં આવી જોવા લાગી રે અલબેલા હરિ....

આવડો નમેળો થયો નંદજીના લાલજી 

આંખ મીંચી દઈ ધ્યાને ધારણ ધારી જોયું ખાસજી 

સનમુખ આવી છેલ છબીલો ઉભા રે અલબેલા હરિ.....

આવડો નમેળો થયો નંદજીના લાલજી 

ચુંથારામના હ્રુદિયે વસીયા રોમે રોમે રામજી 

નિત નિત દર્શન દેજ્યો દીનાનાથ રે અલબેલા હરિ....

આવડો નમેળો થયો નંદજીના લાલજી