રંગતાળી રંગતાળી રંગતાળી

(રાગ: દિવાળી દિવાળી કે આજ મારે દિવાળી રે)

રંગતાળી રંગતાળી વાલમડાની રંગતાળી રે 

મારે પૂર્વની પ્રીત ઘણી જાગી વાલમડાની રંગતાળી રે 

મન રૂપી ઘોડીલાને ચિત્ત રૂપી ચાબુક

તાણી તાણી લાવું વાળી વાલમડાની રંગતાળી રે 

દયાજીની રેતમાં ને ક્ષમાજીના ખેતમાં 

ફેરવી ભણાવી ચાલ સારી વાલમડાની રંગતાળી રે 

જ્ઞાન રૂપી ઘાસ વૈરાગ્ય રૂપી દાણો 

શાંતિ સાંકળ બાંધનારી વાલમડાની રંગતાળી રે 

નીરમાન નીર જીન ઝરણા ઉદારતા 

શમદમ પેંગડે સવારી વાલમડાની રંગતાળી રે 

ચુંથારામ નામની નોબતો બાજે 

ઊર્મિની નાયિકા નાચડી વાલમડાની રંગતાળી રે