જીવડા જુઠ્ઠો સંસાર

(રાગ: હંસલા જાજે ગોકુળીયા ગામમાં)

જીવડા જુઠ્ઠો સંસાર પ્રીત જોડ મા 

હરિ ચરણોની ચિત દોરી તોડ મા - જીવડા જુઠ્ઠો સંસાર પ્રીત જોડ મા

સુતદારા પરિવાર સ્વાર્થનો સંબંધ છે

અંધ બની આત્મદ્રષ્ટિ ભૂલ મા - જીવડા જુઠ્ઠો સંસાર પ્રીત જોડ મા

હું કરું આ મેં કર્યું સૌ ખોટી તાણા તાણ છે

તારે ઉડી જવાનું જોરમાં - જીવડા જુઠ્ઠો સંસાર પ્રીત જોડ મા

વિચારી લે જીવ તારે ઠરવાનો ઠામ છે 

તું તો પોઢ્યો પંથીના મુકામમાં - જીવડા જુઠ્ઠો સંસાર પ્રીત જોડ મા

ઝંઝાવાના નીર જોઈ ધસમસ્યો જાય છે 

ચુંથારામ શું મોહ્યા પ્રપંચમાં - જીવડા જુઠ્ઠો સંસાર પ્રીત જોડ મા