ચિંતા શીદ કરીએ સંતો

(રાગ: મોજોમાં રહેજ્યો રઈવર મોજોમાં રહેજ્યો)

ચિંતા શીદ કરીએ સંતો ચિંતા શીદ કરીએ 

સંચિતનાં સુખદુઃખ સાંખી લઈએ વૈરાગી સંતો ચિંતા શીદ કરીએ 

દૈવ ગતિની રીતો દેવો ના જાણે 

મનડાની વિટંબણાઓ ત્યજી વૈરાગી સંતો ચિંતા શીદ કરીએ

સુખ સંસારમાં હોય તો બીજી શી ગરજો 

મિથ્યા સમજીને અલગ રહીએ વૈરાગી સંતો ચિંતા શીદ કરીએ

ઈશ્વરની આજ્ઞા સમજી સુખદુઃખને સહીએ 

લાભ હાનિનો વિચારના કરીએ વૈરાગી સંતો ચિંતા શીદ કરીએ

અખંડ આનંદ મચી સંતોષે રહેજો 

નામ નાણાની ભરતી કરીએ વૈરાગી સંતો ચિંતા શીદ કરીએ

ઝાંખી પ્રભુની થવા ભાવનાઓ કરજો 

ચુંથા આપે ઉદ્ધાર કરીએ વૈરાગી સંતો ચિંતા શીદ કરીએ