નરતન નગરીમાં ફરવું છે

(રાગ: નવું નગર મારે જોવું છે)

નરતન નગરીમાં મારે ફરવું છે - આત્મા હીરલો ખોળવો છે

પ્રકૃતિ કિલ્લે દસ દરવાજા 

દરવાજે દીવડા કરવા છે - આત્મા હીરલો ખોળવો છે 

પોળો બજારો ને શેરીઓ વટાવી 

અંત:કરણ મ્હેલ જોવા છે - આત્મા હીરલો ખોળવો છે

હ્રદય આકાશની ગેબી ગરજના 

બુદ્ધિ સાગર સ્નાન કરવાં છે - આત્મા હીરલો ખોળવો છે

ઇંગલા પિંગલા સુક્ષમણા સંગમ 

નુરત સુરત ચપોચપ ચાલવું છે - આત્મા હીરલો ખોળવો છે

ભવસાગરના સદગુરુ ખેવટિયા 

ચુંથારામ ગુરુ સંગ મહાલવું છે - આત્મા હીરલો ખોળવો છે