જીવાભાઈ તમને શું થયું

(રાગ: ચીયાભાઈને વચમાંથી કાઢો રે હું તો લાજી મારું છું)

જીવાભાઈ તમને શું થયું, માયા બંધે બંધાયા

બ્રહ્મ સ્વરૂપ તે ક્યાં ગયું, માયા બંધે બંધાયા 

ગગનમાં ગાદી - અચ્યુતમાં યાદી 

મારા તારામાં લપટાયા.....માયા બંધે બંધાયા 

મૃગજળ દેખી - આશક્તિ વેઠી

મોહ મદીરામાં ભરમાયા....માયા બંધે બંધાયા 

આશાને તૃષ્ણા - ચોંટી પુત્રેષ્ણા

માન મહંતામાં ખરડાયા.....માયા બંધે બંધાયા 

લાભને હાની - વળગી ભવાની 

ચુંથારામ સદગુરુ મરડાયા.....માયા બંધે બંધાયા